廣州,簡稱穗,亦都有羊城,花城同穗城等稱號。舊底就叫省城,所以亦簡稱省。佢係中國南方重要城市之一。行政上,廣州係中華人民共和國廣東省省會,叫廣州市,屬於副省級城市,面積7434.4平方公里。廣州喺正珠江口嘅沖積平原上,係華南地區嘅政治、經濟、科教同交通中心。以經濟來計,廣州係排喺上海同北京之後嘅中國大陸第三大城市。
目錄 |
地理同氣候
廣州響珠江三角洲北部,啱啱好喺正西江、北江、東港三江匯合處,接近南中國海。接近珠江口外嘅香港同澳門。
廣州地勢東北高、西南低,北部係森林集中嘅丘陵山區;中部係丘陵盆地,而南部則係沿海沖積平原。珠江連埋眾多嘅支流橫穿整個廣州市。廣州屬亞熱帶季風海洋氣候,全年平均氣溫 20 - 22 攝氏度,平均相對濕度 77%,市區年降雨量約為 1,720 毫米。
地理座標:東經 112°57' - 114°3',北緯 22°26' - 23°56'。
行政
大清時嘅廣州,係叫省城,或者廣東省城,或者廣州城。範圍只包括白雲山以南嘅珠江兩岸,即係城,同埋城周圍關西、河南等地方。城嚴格來講唔係行政區,只係集中廣東省、廣州府、番禺縣同南海縣嘅官署嘅地方。而當時廣州個名,係講比較大嘅府,包括埋成個珠江三角洲同新安縣。
去到中華民國時期,先至將省城劃做廣州市,作為一個行政區來睇。因為都市急速擴展嘅關係,響中華人民共和國時期,尤其係1980年代之後,將鄰近嘅縣都拼入去廣州市嘅行政範圍。呢啲縣包括,番禺,花縣,增城同埋從化。
家下廣州市轄有10市轄區,2縣級市。
- 市轄區:越秀、海珠、荔灣、天河、白雲、黃埔、南沙、蘿崗、花都、番禺。
- 縣級市: 從化、增城。
注:昔日東山區已併入越秀區成爲而家嘅越秀區,昔日芳村區已併入荔灣區成爲而家嘅荔灣區。
歷史
名稱及其由來
廣州有文字記載嘅歷史約為2200年(2008年廣州建城2222年),但係早喺4000幾年前嘅新石器時代,呢一帶就已經有「百越」人喺度活動。喺西元前九世紀嘅周代,呢度嘅「百越」人同長江中游嘅楚國人已有來往,於周夷王八年特建『楚庭』,呢個係廣州最早嘅名稱。秦始皇33年統一嶺南後建南海郡,郡治為『番禺城』,即今日嘅廣州。到西元226年,孫權為咗便於統治,由分交州東部為廣州,『廣州』由此得名。直至1921年2月15日成立市府廳,先至特指廣州呢個城市。
廣州又稱為『羊城』、『穗城』,又因四季花開不敗而得名花城。『羊城』之名源於一則民間神話:傳說周朝個陣,廣州連年災荒,民不聊生。有一日,南海天空瓢嚟五朵彩色祥雲,五仙人騎住五隻羊,各攜帶一串穀穗降臨此處,贈谷穗畀居民,祝福此地五穀豐登、永無饑荒,後仙人飄然而去,留低五羊化為石頭。傳說中嘅「五羊」就係今日越秀公園建有嘅『五羊石像』。
秦漢
秦始皇三十三年為南海郡治同番禺縣治。此後,廣州城開始逐步發展。漢初趙佗據有嶺南,成為第一代南越王,定都於廣州。漢武帝元鼎六年復置南海郡,為郡治。元封五年屬交州。建安二十二年交州廣信(今廣東封開)移治到廣州,為州、郡、縣同治。
三國至隋唐
三國吳黃武五年,分交州合浦以北地段置廣州。晉置廣州南海郡,南北朝因之。隋文帝廢南海郡,置廣州總管府。仁壽元年因避太子楊廣之諱而改為番州。大業三年複置南海郡,屬番州。唐武德四年複置廣州,初為總管府,後改都督府。貞觀元年置嶺南道,治所在廣州。天寶元年,廣州改為南海郡;乾元元年復稱廣州。鹹通三年嶺南分東、西二道,廣州為嶺南東道治。
五代至宋元
五代為南漢國都,改稱興王府,並廢南海縣改設咸甯、常康二縣。宋太祖開寶四年平南漢廢興王府及咸甯、常康二縣,複稱廣州,轄南海、番禺、增城、清遠、懷集、信安、新會、東莞八縣,屬嶺南道。宋至道三年設廣南東路,廣州屬之並為治所。大觀元年升為帥府,祥興元年改為翔龍府。元至元十五年為江西行中書省轄廣東道及廣州路治。
明清至今
明洪武元年設廣州府,為廣東布政使司、廣州府及番禺與南海縣治。清為廣東省會、廣州府及番禺與南海縣治。民國元年廢廣州府。1918年設廣州市政公所。1921年立市政廳,為廣州建市之始,仍為省會。1930年改設特別市,同年改省轄市。1938年10月21日至1945年8月15日,為日軍所佔。1947年復為國民政府行政院院轄市。
1949年10月14日,由陳賡將軍率領嘅中國人民解放軍擊敗咗守衛廣州嘅國民革命軍,佔領該城。此後廣州為中華人民共和國中央人民政府直轄市、廣東省人民政府駐地。1954年改省轄市至今。1984年10月,劃為國家計畫單列城市。
對外貿易史
廣州係古代中西交流史上著名嘅海上絲綢之路嘅始發港,作為中國最早對外開放並從未關閉過嘅貿易通商口岸。清朝閉關時期嘅廣州十三行更係全國唯一嘅對外通商口岸,「一口通商」使當時嘅廣州(歐洲商人稱 Canton)得以獨攬全國外貿,國際知名度迅速提高,成為廣州歷史上最輝煌嘅時期之一。
近代革命
廣州仲係中國近代同現代革命嘅策源地。1841年嘅三元里抗英鬥爭、1911年嘅黃花崗起義均發生喺廣州。1924年,孫中山先生喺廣州黃埔創辦咗中國國民黨陸軍軍官學校,為國民革命軍培養軍事人才。喺中山先生逝世後,國民革命軍便以廣州作為北伐嘅大本營。同一時期,毛澤東、彭湃等人喺呢度舉辦咗農民運動講習所,為中國共產黨培養骨幹力量。1927年,張太雷、葉挺、葉劍英等係呢度領導咗廣州起義(又名「紅花崗起義」,「廣州暴動」)。魯迅、郭沫若、郁達夫等亦曾到廣州講學,傳播新思想。
古蹟
廣州市內嘅國家級、省級、市級文物保護單位共有 219 處。其中國家重點保護單位 19 個,省級文物保護單位 41 個,市級文物保護單位 159 個。城區中山四路一帶先後發掘出秦漢造船遺址同西漢南越國宮署遺址,其中南越國宮署遺址兩次被評為中國大陸「全國十大考古新發現」。
廣州主要嘅歷史遺產包括:
目前,南越國宮署遺址、南越王墓、南越國水閘遺址等三處南越國史跡現聯合申報聯合國世界遺產。
人口資料
截止2004年底,廣州市戶籍人口總數約750萬,外來常住人口300多萬,總數超過1000萬。
經濟
1970年代末中國大陸開放後,廣州經濟發展迅速,2005年全市國內生產總值統計數字為5115.75億元人民幣,年增長13%;全市人均GDP接近7000美元,排喺中國大陸十大城市嘅首位。
2000年以後,廣州市政府力圖改變產業構成,加大咗對重工業嘅扶植。如今,政府方面認為汽車、石化以及電子資訊產品製造已成為當前廣州嘅三大支柱產業。
文化
飲食文化
廣州嘅飲食文化獨具特色,較為聞名,有『食在廣州』嘅讚譽,亦有唔少爭議與批評。廣州嘅飲食文化主要有三大特色:
- 食品用料多樣。廣州飲食選料龐雜,幾乎無所不有。呢個係最為聞名亦都係最受爭議嘅特點。廣東人(尤其是廣州人)有一俗語:「背脊向天,人皆可 食。」「天上飛嘅除咗飛機,水裏遊嘅除咗潛水艇,地上走嘅除咗坦克,都可以食。」暗指所有飛禽走獸皆可食用。支持者認為噉樣反映咗廣州飲食文化嘅博大同開 放,批評者則認為呢種做法威脅到好多珍稀物種嘅生存,並且帶嚟咗一啲衞生問題(如SARS)。
- 風格特色多樣。除粵菜外,嚟自世界各地嘅特色食品都可以喺廣州品嘗到。
飲食喺廣州人嘅生活中具有特殊嘅地位,亦使到全市每年嘅餐飲零售總額高達數千億元,係中國大陸各城市之首。廣州每年重舉行『美食節』,促進飲食業嘅發展。
(請參考:飲茶)
語言文化
廣州本地嘅語言係粵語廣州話 (增城、從化粵語及客家話並用) 。目前全世界粵語使用人口大約為 8 千萬。呢個數目喺中國國內語言使用人口排名中處於第三位。粵語嘅使用地區非常廣,喺海外華人社區中應用廣泛,使到粵語具有好強嘅影響力同生命力。可以話粵語係目前世界上有較強生命力嘅主要語言之一。而廣州話口音係粵語嘅公認標準口音,因此廣州亦就形成咗以粵語為載體嘅包括粵劇、粵曲、南音、咸水歌等在內嘅粵語文化。
1980年代以後,廣州嘅外來人口大量增加,同時中國大陸加強咗推普運動嘅力度,使到廣州嘅粵語人口近年嚟有下降嘅趨勢。
宗教
- 基督教:河南堂、東山堂、光孝堂、錫安堂、救主堂、十甫堂、沙面會堂、芳村堂、沙河堂
- 佛教:光孝寺、六榕寺、大佛寺、無著庵、華林寺、海幢寺
- 道教:三元宮、五仙觀、仁威廟、純陽觀、玉虛宮
- 天主教:石室聖心教堂、沙面露德聖母堂、寶崗堂、龍洞堂
- 伊斯蘭教:懷聖寺(光塔寺)
對外交通
火車
廣州係中國大陸四大鐵路樞紐之一。京廣(北京至廣州)、廣九(廣州至香港九龍)、廣三(廣州至佛山三水區)、廣梅汕(廣州至梅州及汕頭)等多條鐵路交匯於此。目前廣州最大嘅火車站係廣州火車站(位於越秀區環市西路)同廣州火車東站(位於天河區天河北路)。而位於番禺佢鍾村鎮石壁村嘅廣州新客運站目前已經動工,建成後將成為規劃中嘅武廣客運專線(武漢至廣州)及廣珠城際軌道交通嘅啟始站。
機場
廣州市於2004年8月5日啟用新白雲機場,同時關閉咗建成已72年嘅老白雲機場。廣州新白雲國際機場位於廣州市北部,白雲區人和鎮同花都區新華鎮交界處,距廣州市中心直線距離約28公里。沿機場高速公路往返市區約需20分鐘。新機場係目前中國大陸嘅三大樞紐機場之一。 廣州新白雲國際機場已開通大約120條國內外航線,2004年旅客吞吐量2032萬人次。目前新機場2期工程已經啟動,預計到2010年廣州舉辦亞運會時年客運量可能超過4500萬人次。(請參閱廣州白雲國際機場)
公路
廣州係華南地區公路網嘅樞紐,與除咗海南外嘅所有鄰省及廣東省內所有地級市均有高速公路連通,已建成通車嘅高速公路及快速路分別有廣州環城高速公路、廣深高速公路、廣佛高速公路、機場高速公路、廣清高速公路、廣惠高速公路、南沙港快速路、華南快速幹線、廣園快速路、廣三高速以及廣肇高速公路;建築中嘅廣梧高速公路,加上渝湛高速公路、粵贛高速公路、京珠高速公路以及汕汾高速公路。105國道、107國道、324國道穿越市區,106國道、321國道起/終於廣州。
長途大巴
廣州有14座長途大巴客運站分佈市區各處,包括省汽車站、廣州市客運站、天河客運站、芳村客運站、窖口客運站、越秀南客運站、羅沖圍客運站、海珠客運站、黃埔客運站、夏茅客運站、永泰客運站、廣園客運站、天河大廈錦漢客運站及東圃客運站,其中省汽車站及市汽車站嘅路線最為集中,每日有數班城際巴士來往廣東省各地及廣東省周邊省份,其中去往佛山、珠海、深圳、東莞等地有直達班次(或中途停1至2個站點)。
港口
- 黃埔舊港
- 黃港新港
- 南沙港口
市內交通
地鐵
目前已有四條線路投入運營,共 38 個車站,現時祇有西朗以及坑口為地上車站,其他均為地下車站。
- 一號線:由廣州火車東站至西朗
- 二號線:由三元里至萬勝圍
- 三號線:由廣州火車東站至番禺廣場
- 四號線:萬勝圍至黃閣
票價由 2 蚊至到 6 蚊;另有 3 條線路正喺到施工,預計截至 2010年亞運會開幕時將有 9 條線路投入運營,通車里程超過 200 公里(請參閱廣州地鐵)。
公共巴士
國語又稱「公共汽車」、「公交車」,目前廣州市嘅巴士、電車總數超過 7000 架,運營線路超過 350 條,係中國大陸公共交通最發達嘅城市之一,但同時由於巴士過多而引起嘅交通堵塞卻日益明顯,特別係喺城市中心,比如天河體育中心站經常可以見到超過二十部以上嘅巴士同時入站。廣州巴士絕大多數線路都有冷氣車,祇有極少部分仍然使用舊嘅非冷氣車。至於票價則冇統一規定,視線路、車型與運營公司而定,市區線多為冷氣車 2 蚊,非冷氣車 1蚊,部分到大學城、過洛溪大橋、琶洲大橋嘅線路為 3 蚊,到花都新華、從化街口、番禺市橋、增城新塘、增城荔城嘅線路要 10-15 蚊。服務時間多為早上 6 點至晚上 10 點;廣州市有多間巴士運營公司,其中經營市區線嘅公司分別有廣州一汽巴士、廣州市第二公共汽車、廣州市第三公共汽車、廣州市電車公司、廣州市新福利巴士、廣州冠忠巴士、珍寶巴士、新穗巴士、白馬巴士、馬會巴士、溢通巴士、興華巴士、榮泰巴士;廣州新世界巴士公司主要經營來往番禺嘅線路。廣州市亦設有夜班冷氣線路,方便市民夜間出行;線路由夜1 - 夜41路,共有 41 條線路,收費標準為非冷氣車個半-2個半,冷氣車 3-4 蚊。
無軌電車
廣州市無軌電車喺1960年通車,第一條無軌電車路線由越秀公園至中山三路大東門,稍後延長至農林下路,即現時嘅東山電車總站,廣州電車發展至今,依然係廣東省內唯一一座有無軌電車系統嘅城市,路線增加至目前嘅 14 條,14 條電車路線分別如下:
- 101:機場路-海印橋
- 102:文化公園-東山
- 103:文化公園-機場路
- 104:中山八路-海印橋
- 105:文化公園-機場路
- 106:文化公園-錦城花園(東風東路)
- 107:中山八路-東山
- 108:黃石路-東山
- 109:中山八路-天平架
- 110:文化公園-天平架
- 111:黃石路-天平架
- 112:南田路-天平架
- 113:南田路-機場路
- 114:南田路-羅沖圍
- 粗字代表嗰條線路幾乎全部用冷氣車
其中112、113、114 係首批過珠江嘅路線,112 路行經江灣大橋,113 路行經解放大橋,114 路行經人民橋, 現時廣州電車均為非冷氣車1蚊,冷氣車 2 蚊。 由于依家农林下路地铁施工,所以本身行经依条路嘅112路电车需要改行另一条路,导致112电车由北由南方向中有一段路係无电力供应,要用后备电源驱动, 所以依家112路全部改返用非空调车,直到农林下路施完先改返,时间待定。
的士
又稱「出租車」,的士係英文“Taxi”嘅譯音。目前廣州市嘅的士車身五顏六色,其中多數為紅、黃、藍、綠四 色,唔同嘅車身顏色表示分屬唔同嘅的士公司,規糢唔大嘅公司唔可以揀顔色,但是規糢大嘅公司就可以揀顔色。唔同嘅公司啲的士價格都一樣,市區內起步價 7蚊(現時需加收燃油附加費 1 蚊),2.3 公里後夏利車(基本被淘汰)每公里 2.2,其他車型每公里 2.6,如路程超過 35 公里則需加收 50% 嘅空駛費。增城、從化兩市嘅的士單價則分別為每公里 2 蚊同每公里 1.6。
渡輪
市內渡輪碼頭:
- 中大碼頭
- 天字碼頭
- 黃沙碼頭
- 芳村碼頭
- 永興街碼頭
- 紡織碼頭
- 海幢碼頭
- 塹口碼頭
- 省總碼頭
水上巴士
為緩解陸上交通,政府最近推出水上巴士項目,由原嚟嘅渡輪擴展而成。首條航綫係:中大碼頭--天字碼頭--西堤碼頭--芳村碼頭,打算重會繼續開拓新綫路。
國際交往
到目前為止,廣州市經已正式同下面 15 個國際城市相互結為友好城市:
- 1979年5月同日本福岡市
- 1981年12月同美利堅合眾國洛杉磯市
- 1982年11月同菲律賓馬尼拉市
- 1985年3月同加拿大溫哥華市
- 1986年5月同澳大利亞悉尼市
- 1986年11月同意大利巴里市
- 1988年4月同德國法蘭克福市
- 1988年11月同法國里昂市
- 1989年2月同新西蘭奧克蘭市
- 1996年10月同大韓民國光州市
- 1997年11月同瑞典林雪平市
- 2000年7月同南非德班市
- 2001年5月同英國布里斯托爾
- 2002年7月10日同俄羅斯葉卡捷琳堡市
- 2004年10月27日同秘魯阿雷基帕市
旅遊
羊城八景
羊城八景係指喺廣州區內最著名嘅 8 個旅遊景點。自宋朝以嚟,依據當地人嘅評價嚟評定八景。以下係2002年廣州嘅羊城八景:
- 白雲山,景名『雲山疊翠』
- 珠江夜景,景名『珠水夜韻』
- 越秀公園,景名『越秀新暉』
- 中信廣場水景瀑布,景名『天河飄絹』
- 陳家祠,景名『古祠流芳』
- 黃花崗七十二烈士墓,景名『黃花皓月』
- 廣東奧林匹克中心,景名『五環晨曦』
- 番禺蓮花山,景名『蓮峰觀海』
其他著名景點
- 香江野生動物世界
- 長隆夜間動物世界
- 長隆歡樂世界
- 西漢南越王墓
- 南海神廟
- 中山紀念堂
- 黃埔軍校
- 沙面島
- 雲台花園
- 北京路步行街
- 上下九步行街
- 中信廣場
- 石室聖心教堂
- 五仙觀
- 六榕花塔
- 光孝寺
- 懷聖寺
- 廣州起義烈士陵園
- 黃花崗七十二烈士墓
- 三元里人民抗英鬥爭紀念館
- 國民黨一大舊址
- 廣州公社舊址
- 農民運動講習所舊址
- 白雲山公園
- 東山湖公園
- 越秀公園
- 流花湖公園
- 蘭圃
- 西苑
- 麓湖公園
- 廣州動物園
- 華南植物園
- 珠江公園
著名賓館酒店
特產
體育事業
現有大型體育場館:
廣州已經成功舉辦過第六屆及第九屆全國運動會,並於2004年7月1日成功獲得第16屆夏季亞洲運動會嘅主辦權。該屆亞運會將於2010年11月12日至27日喺廣州舉行。